എന്നെ വരച്ചെടുക്കാൻ നിനക്കെത്രയെളുപ്പംപതിഞ്ഞ ഒരു നോട്ടം മതി
എന്റെ ഹൃദയമിടിപ്പുകൾ
അനുസരണയോടെ അടുക്കടുക്കായി
നിന്റെ കൈവെള്ളയിൽ വന്നിരിക്കും
മഴവിൽ വർണ്ണങ്ങളിൽ ഞാൻ മറച്ചുവച്ച
മനോഗതങ്ങളിലെ കറുപ്പും വെളുപ്പും
നിന്റെ കനത്ത മൗനത്തിന്റെ മൂന്നാം മുറയിൽ
മുട്ടു കുത്തി നിന്ന് കുമ്പസാരിക്കും
നിന്റെ ഭാവങ്ങളുടെ അവസ്ഥാന്തരങ്ങളിൽ
വാദിക്കാൻ വയ്യാതെ
എന്നിലെ അക്ഷരങ്ങൾ നിസ്സംഗരാകുമ്പോൾ
ഞാൻ വെറുമൊരു വെളുത്ത കടലാസ് തുണ്ട്
ഇനിയെന്നെ വരക്കുന്നതും നീ, മായിക്കുന്നതും നീ
No comments:
Post a Comment