നിന്റെ കൊച്ചു കൊച്ചു സന്തോഷങ്ങളിൽ ഞാൻ ആർത്തു ചിരിച്ചു
നിന്റെ കുഞ്ഞുനൊമ്പരങ്ങളിൽ
വിമ്മിക്കരഞ്ഞു
കുസൃതികളിൽ പൊട്ടിച്ചിരിച്ചു
നിന്റെ വിജയങ്ങൾ
പുരമുകളിൽ പ്രഘോഷിച്ചു
നിന്നെ നോവിച്ചവരോട്
പേപ്പട്ടിയെപ്പോലെ കുരച്ചു
അവർക്കെതിരെ ഒരാനപ്പക
കരളിൽ കൂട്ടിവച്ചു
കാക്കയോട് ഉറക്കെ കയർക്കുന്ന
പിടച്ചിക്കോഴിയേപ്പോലെ
എന്റെ ചിറകുകൾക്കടിയിൽ
നിന്നെ ഞാൻ സംരക്ഷിച്ചു
എന്നിട്ടും,
എന്നിട്ടും കുഞ്ഞേ
എന്നാണ് നമുക്കിടയിൽ
ഈ മതിൽ പൊങ്ങിവന്നത് ?
No comments:
Post a Comment